08:16 / 09.03.2026
Një i arrestuar në Bibaj të Ferizajt për sulm ndaj zyrtarit policor
Emine Hoti/RTKlive
Një person është arrestuar në fshatin Bibaj të Ferizajt pasi dyshohet se ka penguar dhe lënduar një zyrtar policor gjatë kryerjes së detyrës zyrtare.
Sipas njoftimit në raportin policor, i dyshuari nuk i është ndalur urdhrit të zyrtarit policor dhe gjatë tentativës për t’u larguar nga vendi i ngjarjes ka lënduar policin.
Si pasojë e lëndimeve, zyrtari policor ka pranuar tretman mjekësor.
Pas arrestimit, i dyshuari është intervistuar nga autoritetet kompetente dhe me vendim të prokurorit është dërguar në mbajtje për procedura të mëtejshme hetimore.























