Policia shpall në kërkim katër persona, kërkon bashkëpunimin e qytetarëve
Naser Mekolli /RTKlive
Policia e Kosovës ka kërkuar bashkëpunimin e qytetarëve për identifikimin dhe kapjen e katër personave të dyshuar për disa vepra penale.
Në njoftimin e publikuar bëhet e ditur se, bazuar në autorizimin e Prokuroria Themelore në Prizren, katër të dyshuarit, fotot e të cilëve janë publikuar, janë shpallur në kërkim.
Sipas policisë, ata dyshohen për kryerjen e veprave penale: “Fajdeja” sipas nenit 331, “Privimi i kundërligjshëm i lirisë” sipas nenit 193 dhe “Detyrimi” sipas nenit 328 të Kodit Penal të Republikës së Kosovës.
Policia ka bërë thirrje që çdo informacion që mund të ndihmojë në lokalizimin e tyre të raportohet, duke garantuar konfidencialitet të plotë për qytetarët.
Të dhënat mund të dërgohen përmes emailit zyrtar [email protected] , si dhe në numrat emergjentë 192 ose 0800 19999.























