Arrestohet një person në Ferizaj për lëndim të rëndë trupor dhe kanosje
BKT
Kronika

Arrestohet një person në Ferizaj për lëndim të rëndë trupor dhe kanosje

Një person është arrestuar në Ferizaj nën dyshimin për kryerjen e veprave penale “Lëndim i rëndë trupor” dhe “Kanosje”.

Sipas njoftimit të policisë, rasti ka ndodhur më 15 maj 2026 në rrugën magjistrale Prishtinë–Shkup, ku i dyshuari me inicialet R.S. fillimisht ka tejkaluar dhe bllokuar automjetin e viktimës A.T., për ta sulmuar më pas fizikisht, duke i shkaktuar lëndime të rënda trupore. Viktima ka marrë trajtim mjekësor në Spitalin e Ferizajt.

Gjatë hetimeve, është intervistuar edhe ish-bashkëshortja e të dyshuarit, e cila ka raportuar se është kanosur përmes telefonit. Ajo ka dorëzuar si provë dy audio-incizime me përmbajtje kërcënuese.

I dyshuari është intervistuar në prani të avokatit mbrojtës dhe ka pranuar kryerjen e veprave penale. Me vendim të prokurorit të shtetit, ai është ndaluar për 48 orë.


MË SHUME NGA Kronika