13:14 / 10.07.2026
Aksident mes dy veturash në Mitrovicë, katër të lënduar
Medina Pasoma / RTKlive
Katër persona janë lënduar nga një aksident mes dy veturash në rrugën nacionale Mitrovicë–Prishtinë.
Aksidenti ka ndodhur në fshatin Shupkovc rreth orës 11:30.
“Në aksident janë përfshirë dy vetura në lëvizje. Si pasojë e aksidentit, katër persona kanë pësuar lëndime dhe kanë kërkuar trajtim mjekësor”, ka konfirmuar për RTKlive, zëdhënësi i Policisë për rajonin e Mitrovicës, Avni Zahiti.
Njësitet relevante policore kanë dalë në vendin e ngjarjes dhe po zhvillojnë hetimet për zbardhjen e rrethanave dhe shkakut të aksidentit.























