09:30 / 08.09.2026
Foshnja dërgohet pa shenja jete në Spitalin e Prizrenit, rasti nën hetim
M.Sh/RTKLive
Një foshnjë është dërguar pa shenja jete në Spitalin e Prizrenit nga prindërit e saj, në orët e mëngjesit të 7 shtatorit.
Sipas raportit të Policisë së Kosovës, mjeku kujdestar ka konstatuar vdekjen e foshnjës.
Lidhur me rastin, në vendin e ngjarjes kanë dalë njësitet përkatëse policore, ndërsa me vendim të prokurorit, trupi i pajetë i foshnjës është dërguar në Institutin e Mjekësisë Ligjore (IML) për obduksion.
Rasti është duke u hetuar nga njësitet kompetente.























